തിരൂരങ്ങാടി:
മനുഷ്യ സേവനത്തിന്നു പരിശീലനം നല്‍കുന്ന ഭാരത് സ്കൌട്സ് ആന്റ് ഗൈഡ്സില്‍ മികവ് തെളിയിച്ചതിന്റെ പേരില്‍, ഒരു കോര്‍മത്തുകാരി രാഷ്ട്രപതിയുടെ അവാര്‍ഡിന്ന് അര്‍ഹയായി. തിരൂരങ്ങാടി ചന്തപ്പടിയിലെ കോര്മത്ത് ഹൌസില്‍ താമസിക്കുന്ന കോര്മത്ത് അബ്ദുറഹ്മാന്റെയും സുഹ്രയുടെയും മകളായ കോര്മത്ത് ശഹര്‍ബാനുവാണ് ഈ ഭാഗ്യവതി.
കായികമായ ആരോഗ്യത്തിന്നു പുറമെ, മാനസികവും സാംസ്കാരികവും, വൈകാരികവും, അദ്ധ്യാത്മികവും സാമൂഹികവും സദാചാരപരവുമായ ഉദ്കര്‍ഷം വ്യക്തികളില്‍ കൈവരുത്താന്‍ ശ്രമിക്കുകയാണ് ഈ പ്രസ്ഥാനത്തിന്റെ ലക്ഷ്യമെന്നത് ശ്രദ്ധേയമാണ്. 1950 നവ. 7ന്ന് രൂപം കൊണ്ട ഈ പ്രസ്ഥാനത്തില്‍, അദ്ധ്യ്യാത്മികമായൊരന്തരീക്ഷം വളരെ പ്രധാനമാകയാല്‍, നിരീശ്വരവാദികള്‍ക്കിതില്‍ സ്ഥാനമില്ലെന്ന് അതിന്റെ ഭരണഘടന അനുശാസിക്കുന്നുണ്ട്.
തിരൂരങ്ങാടി ഗവ. ഹയര്‍ സെക്കണ്ടറി സ്കൂളിലെ പതിനൊന്നാം ക്ലാസ്സുകാരിയായ ശഹര്‍ബാനു, 2010ല്‍, കൊയിലാണ്ടിയിലെ നടുവത്തൂര്‍ ആര്‍. ടി. സിയിലാണ് യോഗ്യതാ ടെസ്റ്റിന്ന് ഹാജറായത്. മാര്‍ച്ചിലാണ് ഫലം പുറത്തുവന്നത്.
No comments:
Post a Comment